(nach den Fotografen von god´s entertainment, die alles vorausgesehen hatten)
In oana eggn, hintn pain ausgong,
Schmusen zwoa schitzn
In ihra roat-weiß- blau´n trocht.
Wennsas dawischn, wias ihnan stutzn
On ihre stutzn wetzn,
Nocha setzats a trocht priegl
Fia de zwoa lohdta, hint´in da eggn
Von dera gossn oi zun grobn!
Ganz fastrickt sain ihre wamsta
So hoaß isch da loden,
Daßt foscht den schwoaß heasch
Der iba di hoden af ihre schenkl rinnt.
Sie reibn die wadl on ihrane sock´n
Sie hehm sich im nock´n
Und fummeln om latz von da ledanen,
Di gweah lehnen on da mauer,
Aufrecht und blonk,
As wia nix gwesn ward.
So a gstonk!, denkt si da buutz
Wira um die eggn biagt, mit saina behgn,
Und glappt nit wos saine augn sehgn,
A paarl in trocht, mit hiat und mit jangga,
Oba nit a madl mit sain gangga,
Na! zwoa beaschn in ana posn
Boade schu ohne die untahosn,
Ea glappts nit und reibt si di augn,
Do muaßa oanfach no genaua schaugn.
Jo, pfoat an pfoat druckn sich de zwoa schitzn ins egg,
Es isch gonz kloa, des miasn fremde sain, de so toan
Weil pai ins gibt’s des nit, nit bei ins dahoam.
Sollis fahoftn, denkta sich da herr inschpekto,
Oda die faiawea holn, damitsas löschn?
Und holt a poa freiwillige florianijinga.
Oba glappsch oana vo de faiaweapirschln
Trauat si den schlauch
Af de schitzn richtn, na, do wurat jo de trocht hiehn,
Des geat jo nit, wos sölnn sie tian,
Sie wissns nit, sie kennen nit spritzn!
Bei insra ehr, so riesige priegl, dös gipts schunsch nirgends!
Goah gfaahlich, – wias do in da eggn stian.
Und tian, as wia nix gwesn ward.
Inzwischen hom de zwoa schitzn längsch schu ausgschmust
Und si wieda adjustiert as wia nix gwesn ward,
Schultan ihre bichsn,
De sie mit die weißn handschigg no a bißl wichsn
Und drahn si am obsatz um und schreitn dafunn.
Iatz isch a des schitzntreffn a`effnet
Um den schtodtbrunnan umma,
As wia nix gwesn ward,
Mit hunderte schitzn pain putzn vunn ihre bichsn
Foa den oltn rothaus, in blaue, griane und braune jaggn.
Koana steat in oana eggn, niemond ducktsi ins dunkl,
A jeda isch stolz und stöllt sain monn,
So guat a holt konn,
As wias ollm schu gwesn ward.
